30 September 2026 13:00 UTC · Prime Minister of Canada · PMO News Release · Source · Email X Link

Prime Minister of Canada addresses National Day for Truth and Reconciliation

Key points

The Prime Minister of Canada addresses the historical and ongoing impacts of residential schools.
The government emphasizes reconciliation efforts and support for Indigenous communities across Canada.

TL;DR

The statement recognizes the National Day for Truth and Reconciliation and the legacy of residential schools.
It acknowledges past harms affecting approximately 150,000 Indigenous children removed from their families and communities.
It mentions support services available through a 24-hour toll-free line and the Hope for Wellness Help Line.

Original text

“Ku ɂedırı Dzı̨ne Nųt’ą Sehenųt’a chu Ɂełtth’ı́ ɂası hołé bası chu Jıthoghelahot’ı̨ desısɂı̨h Dzı̨ne nųt’ą k’é, t’ą hadaghı̨na benahonı̨ sı Dene xare kuę naraı̨dé nı̨sı, ɂeyı sekuı t’ą bekuę nı̨deł hılé tth’ı́ benahonı̨, chu t’ą beghą sekuı besdoghı̨ghą bel nadaretnılya ɂeją dųhųn. K’asj̨ęnę łǫnǫną nęnę ɂası, 150,000 Ɂąsı Denededłı̨ne, Hotena, chu Begharek’ą sekuı betthıkuı́ ch’ası hełya nı̨, bekuę, chu t’ok’e naradé nı̨ ch’ası hełya ɂeyer dene xare kuę naradé ha. T’ąxa ɂeyı nı̨t’ą nı̨sı sekuı t’ą hęlı̨ ch’ası nı̨lya benı̨ naret’a ha beyatıe ch’ası, bech’alanı̨ye chu t’ą hęlı̨ ch’ası chu t’ąt’u ghena nı̨sı ch’ası. T’ą nąne hoɂa k’oldé ɂeyı nı̨yı̨la chu tsamba yets’ęn nı̨la nı̨, chu Canada ɂedı̨nı̨ nółther k’esı danı̨dhęn sı dųhų chu t’ąt’u dene hel due nųnı̨ɂą k’odorelyą sı. K’asjęnę 6,600 ɂąsı t’ą Hadaghı̨na chu t’ą benalé nodher sı dene nalé hadayaı̨łtı nı̨ t’ok’e ɂedırı Ɂełtth’ı́ nųt’a chu horegoth nųt’a ghą yaghı̨tı hudher nı̨ t’a bel t’a nodher sı ghą hodoghelnı̨ gh̨a Canada holą nęnę ɂeyı k’anı̨łtaıle nı̨. T’ą ɂeyı ghą hadayaı̨łtı k’ı́ Canada yeretth’ągh nı̨, yenałnı̨ chu yeghą nanéde nı̨. Ɂeyı dene Hadaghı̨na k’ı́ benahonı̨ ɂąsı nı̨t’a hoɂą. Ɂası beba naıłna hoɂą. Ku t’a Ɂełtth’ı chu Sehenųt’ą dene t’a yatı dathełtsı̨ nı̨sı 94 t’a Yatı Holı̨ bet’a ɂası Naılna hoɂą k’e ɂeyı ɂası hołé ha hoɂąsı dųhų. Ku t’ok’e Dendedłı̨ne, Hotena, chu Begharek’ą dene bel ɂası k’enaıdé ha, nuhnı̨ t’ą k’ohıldé bel ɂası k’enaıde ha hothılɂąsı dene nakoghodı k’e chu ɂerıhtł’ıs kuę bası, Denededłı̨ne yatı tth’ı́ k’onı̨ ha dene ts’eraıdı ha bech’alanı̨ye hel, ɂeyı chu tu soreldhęn tth’ı́ ba hųlı̨ hoɂą benęnę k’eyaghe, ɂeyı hel benęnę k’eyaghe t’a ɂası hedı̨ narałtı sı tth’ı́ bel sehenúnıt’a hoɂą. Ku t’ą Dene dorólé sı beba Ɂełtth’ı́ nunı́t’a hoɂą Dole chu Łeghąldé t’ą Ts’ekuı, Ts’ekuıɂase hu, ɂeyı chu t’ą ɂełghą danı̨dhęn 2SLGBTQI+ dene bebası, ɂeyı hel t’a Nı̨h bąnı̨ Yatı Nedhé holı̨ Denededłı̨ne haralɂa Bek’anota hoɂą ha Yatı Nedhé holı̨ nı̨. Dų dzı̨ne k’é, Canada nąne hoɂa dene jıetthoghe lahot’ı̨ ɂası ɂarat’ı̨ chu ɂası k’enats’edé ha ɂeyı sekuı benahonı̨ ha t’ą bekuę nı̨del hılé sı beba – ɂeyı hel t’a nodher sı benahonı̨ hoɂą t’ą Hadaghı̨na t’a yatı dathełtsı̨ benahonı̨ hoɂą Canadian dene t’ąt’u dene he sehenųɂa ha hok’enadé begharé.” Ku ɂałų beghą yatı horı̨łɂı̨h dé ɂeją neba hoɂąsı: T’a dzı̨ne k’etł’a bets’ęn yatı ha hoɂą 24-sadzıe neba ts’ethı̨ye chu dene neghą bel ɂesohodı haılé ɂeją ts’ęn Nąne hoɂą Dene xare kuę naraı̨dé t’ok’e Dene ba hoɂą beghą yatı hozelɂı̨h de ɂeją , ɂeją ts’ęn dųłtsı nanı̨le 1-866-925-4419, t’oho dene ha horená de bets’edı ha nųt’a t’ą Hadaghı̨na sı chu bekuę bası ɂeyı hel t’ąt’u bets’edı walı sı ba hoɂą ɂeją Canada t’ą K’oldé bets’ı̨ɂąne. T’ą dene ha hoɂą sehóɂą nųt’a t’ok’e bets’ęn yatı ha kudąne dene ts’edı ha nųt’ąsı, nanı̨le bets’ęn yatı chu tsątsąne benı̨ hųlı̨ k’e dene he yatı tth’ı́ hoɂą t’oho losı dene benı̨ łą de dene hel yałtı horelɂı̨h de Denededłı̨ne Canada nąne hoɂá naradé sı bası. Beyeyatı huto tsątsąne benı̨ hųlı̨ k’e dene ha hoɂąsı dzırata k’etł’a 24/7 Tthot’ı̨ne chu Bąlaı yatı t’a. Ku Ɂena, Ojibway, huto Hotena Inuktitut yatı ɂa tth’ı́ hųlı̨. Dene ɂeyı ha honełtą nadarełya sı ɂeją nanı̨le dųłtsı 1‑855‑242‑3310 huto ɂeją hopeforwellness.ca .

Key tags

Topics

Keywords

Stats

Word count: 835

Summary words: 77

Compression: 9%

Boilerplate removed: Yes

Top phrases:

Entities

People

None found.

Organizations

None found.

Places

None found.

Countries

Canada

Prime Minister of Canada addresses National Day for Truth and Reconciliation

Key points

TL;DR

Key tags

Topics

Keywords

Stats

People

Organizations

Places

Countries

Regions