Original text
Ullumi, Kanataup Sivuliuqtinga, Mark Carney, angajuqqaanga Inuit Tapiriit Kanatami, Natan Obed, ammalu Ministanga Inulirijituqakkut Kanata, Rebecca Alty katingaqatiqalauqtut gavamatuqakkut ministangit katimajit sanaqatigijatik ammalu niruaqtausimajut Inuit Sivuliuqtingit Inuuvialungmit Kuapurisat, Nunavut Tunngavik Timinga, Makivik, ammalu Nunatsiavut Gavamakkut pivaalliqtiqullugit tamarmik sivulliutijariaqaqtatik In...
Ullumi, Kanataup Sivuliuqtinga, Mark Carney, angajuqqaanga Inuit Tapiriit Kanatami, Natan Obed, ammalu Ministanga Inulirijituqakkut Kanata, Rebecca Alty katingaqatiqalauqtut gavamatuqakkut ministangit katimajit sanaqatigijatik ammalu niruaqtausimajut Inuit Sivuliuqtingit Inuuvialungmit Kuapurisat, Nunavut Tunngavik Timinga, Makivik, ammalu Nunatsiavut Gavamakkut pivaalliqtiqullugit tamarmik sivulliutijariaqaqtatik Inuit Nunangani. Virgina Mearns, una attiqtaulauqtuq Ukiuqtaqtumik Kiggaqtuqtinga taikani kingulliqpaamik katimagamik taakkua Inuillu Kanatami Gavamangallu Piliriqatigiinninginnut Katimajiralaaq igsivautauqatigiit Kanataup sivuliuqtinga Carney ammalu Inuit Tapiriit Kanatami angajuqqaanga Obed, ukuattauq ilaulauqtut katimajuni. Una sivulliqpaangat Inuillu Kanatami Gavamangallu Piliriqatigiinninginnut Katimajiralaaq katimallutik Nunavimmi taimanganit pinasuqatigiiliramik. Ukua sivuliuqtit angiqsigiakkannilauqtut angiqsimajamingnik nutaanguriaqtillugit Inuit-Kanataup Gavamakkungit Piliriqatigiingningat Inuit Nangmini-Gavamaqaqllutik ammalu piusivaalliqtillugit aaqigiaqaqtut Inungnut. Aullutilugit tamarmik iningit inuik aaqiksuilutik sivuniksanganik ukiuqtaqtuq, ilagijauluni Ukiuqtaqtumi nunaqutiqarniq, unatautit ammalu uatsiniq, Ukiuqtaqtumi akianut atuagarmingnik, ammalu silarjuami sivuliuqtiuniq. Una Kanataup Sivuliuqtinga saqittilauqtuq gavamatuqakkut piliriariinnarniaqtanginnik ikajurlugit Inuit Nunanga, atuqsiniaqtut tamainnut parnautimik ungataanut $40 biliat sapunniaruti, aaqiksuuti, ammalu aaqigiaqsiniq Kanataup ukiuqtaqtuanik ammalu ukiuqtaqtuq Nunanginnik. Una tikiumaniaqtuq sanajanganut angijunik piliriaksanut titirarvinganut ikajurniaqtut tunisilutik angijunik sanajaksanik. Sivuliuqtit uqausiqalauqtut taanna Inuillu Kanatami Gavamangallu Piliriqatigiinninginnut Katimajiralaaq ikajuqtigiigutauniaqtuq sanatillugit avataanit Inuit ammalu kanata ukua pivaalliqtittiniaqtut marruungnik – atuqsilutik nappariaqaqtunut ammalu angijunut sanajaksanut. Angajuqqaaq Obed aksuruutiqalauqtuq pimmariuningani tuqattiaqtumik ilautitaulutik Inuit pinasuaqataulutik isumaliurinirmut ammalu akuniujukkut aaqiksuutiksanik parnainirmut, ammalu pitaqarlutik saqijaarlutik tamainni aviktuqsimajuni. Piusivaalliqtillugit inuusittiarigunnarningat Inuit suli aullutilluataqtavut tamainni katimalluta. Isuanut, sivuliuqtit uqausiqalauqtuq akitujuuninganik inuusirmi aksuruutaukkanniqtut, ilagijaullutik niqiksaqannginiq ammalu igluksaqannginiq, ammalu tuavirnaqtuuvuq pivaalliqtillugit inungnit-aulataujut aaqiksuutiksait piliriniaqtut tamakkuninga aksurunnaqtunik tamainni Inuit nunangani. Qaujimatittilauqtut pivalliajamingnik taimanganit kingullitpaamik katimagamik Inuillu Kanatami Gavamangallu Piliriqatigiinninginnut Katimajiralaaq igsivautauqatigiit Kanataup sivuliuqtinga kaani ammalu angajuqqaaq Obed, aqraani. Una ilaqaqtuq angiqsimaniq pijariittiarlugit qanuiliurutiksangit piliritittijjutaujumut inangiisimajuq Inuit nutaqat sivulliutilugit ingirrasititausimajuq. Ukua sivuliuqtit uqaqatigiigutiqalauqtuq ikajurlugit inungnit-aulataujut timiujut ammalu pijittirautit ammalu piusivaalliqtillugu Inuusilirinirmut makimanasuarnirmut aaqigutiniaqtut tamainni Inuit Nunangat, ilagijaulutik sanaqatigilugit gavamatuqakkutigut uqausirilugit tukimuagutingit ammalu ilisarijaujjutitaarunnarningit puqtuniqsanut Inuit nunanga ilinniarvikjuaq, ammalu kajusijumik piliriarijangat aaqigiattiarlugu niqittiavaliriniq ukiuqtaqtumi ikajuusiarutit ammalu atuliqtitaulutik Inuit Nunanga Igluksanut Aaqiksimajjutiksat. Niriuktut uqaqatigiigutigiinnarniarmata tamakkua sivulliutigialit pivaalliqtitaulutik Inungnit-Ministani katimaliqpata ukiaksaaq. Aaqiksuiningat pivaalliqpalliajuq katujjillutik, sivuliuqtit isulittilauqtut katimaninga angiqatigiittiaqtut tamainnik angiqsimajamingnik kajusittiarniarmata ikajuqtigiingningat, ikajuutiksat sanngijuulutik, aannianaqtuqanngillutik Inuit nunalingit tamainni Inuit Nunangat. “Pinasuaqatigillugit Inuit pimmariujuq aaqiksuiniarluta sannginiqsauniksanganut kanata. Katujjilluta, pivaalliqtittivalliajugut tamaita sivulliutigiaqaqtattinnik piusivaalliqtillugit inuusingit Inuit, sanngiktigiarlugu Kanataup Ukiuqtaqtua, ammalu Inuit sivuliuqtit ikajurniaqtut sanngijuuniarmat sivuniksanga ukiuqtaqtuq. Sanaqatigillugit pillugu ikpigusuttiarniq ammalu Inuit nangminiq-gavamaqarlutik, aaqirsuiniaqtugut attarnaqtuqanngittumik, kiinaujaliuttiaqtunik sivuniksaqarlutik Inuit Nunanga ammalu tamarmik Kanatamiut.” Isumataq Mark Carney, Kanataup Sivuliuqtinga “Maanna 10-nik arraagunik, una Kanatami Gavamangallu Piliriqatigiinninginnut Katimajiralaaq suli atuutiqammariklluni inigijauvaktuq pivaallirniarmata tamatta sivulliutigiaqaqtavut. Taimanna kisiani sanaqatigiiglluta Kanatalu sanngijuujunnaqtuq inungnut ammalu ilisisimattiarluta qakijjutiksattinnik kinnguumanaqtunut saqittiniarluni ajuqsangittiaqullugu Inuit Nunanga. Inuit suli isumaliurijiuniaqtut sanaqatigiigutiksanik ikajuqtigiigutiksanik ukualu Gavamakkut aaqiksuilutik tamatuminga Kanatami ammalu aaqiksuilutik tamatuminga ukiuqtaqtumik tamainnit pijaujumajunik.” Natan Obed, Angajuqqaanga Inuit Tapiriit Kanatami “Tamaunna Kanatami Gavamangallu Piliriqatigiinninginnut Katimajiralaaq, sanngiktigiaqtittisimajugut sanaqatigiigusittinnik tunisisimaniaratta aaqiktunik inungnut tamainni Inuit Nunangani. Pivaalliqtittivalliajugut inungnit-aulataujunik aaqiksimajjutiksanik piliriarilugit akitujuuluarninga inuunasuklluni ammalu iglusaqanngilllutik aksurunnaqtumiinnaqtut, sanngiktigiarlugit inungni-aulataujut timiujut ammalu pijittirautit ikajuqtut ingirrasititausimajunik suurlu Inuit Nunanga Ilinniarvikjuaq ammalu piusivaallirutiniaqtut inuusilirinirmi-makimanasuarnirmik tamainni Ukiuqtaqtumi.” Minista Rebecca Alty, Ministanga Inulirijituqakkut Kanata Saqittilauqsimajut tamaunna Inuit Nunanga sulinirautinga 2017-mi, taakkua Inuillu Kanatami Gavamangallu Piliriqatigiinninginnut Katimajiralaaq katimaqattaqtut pingasuiqllutik arraagumi ammalu igsivautauqatigiit angajuqqaaq Inuit Tapiriit Kanatami ammalu Ministangat Inulirijituqakkut Kanata. Atausiaqlluni Kanataup sivuliuqtinga igsivautauqattaqtuq taakkunani Inuillu Kanatami Gavamangallu Piliriqatigiinninginnut Katimajiralaaq katimaqatigillugit Inuit tapiriit kanatami angajuqqaanga. Kingulliqpaarangani katimagamik taakkua Inuillu Kanatami Gavamangallu Piliriqatigiinninginnut Katimajiralaaq sivuliuqtit nuvipiri 2025 Ottawami, Ontario, ammalu igsivautauqatinga angajuqqaaq Obed ammalu minista Alty. Inuit ilagijauju pingasunit Kanataup maligarjungagut ilisarijausimajuni Nunaqqaqqaaqsimajut Kanatami. Inuit Nunangat una Inuit Nunangani Kanatami. Tamainnik Nunanga, imanga, ammalu sikua tisamani angiqatigiigutittigut aviktuqsimajut kiggaqtuijut Inuuvialuit Nunangat Nunatsiarmi, Nunavut, Nunavik Kupaik Tarrangani, ammalu Nunatsiavut Uangnanga Laapatua. Tamainnik qanigijaani 40% Kanataup nunanganik ammalu qanirijaani 72% sigjanganik. Tamaunna Angijunut Sanajaujunut titirarvingani, Kanata aaqiksuijuq angijunik nappariaqaqtunik Inuit pijumajanginnik, suurlu Qurluqtuaakjuk Aqutaa ammalu Tulaktarvik ammalu Makinji Nunasiutit Aqutikutaaksanga sanajaujuq. Inuit Nunangat Sulinirautinga Inuit-Kanataup Kavamakungit Pinasuaqatigiikniq Kanataup Kavamakungit Pivaliaqqatigiit Tunngavingat Nunanguangat Inuit Nunangat
Speech Brief